Charter Document - 00130001
| Charter Number: | 00130001 |
|---|---|
| Cartulary Title: | The Cartulary of Missenden Abbey |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1136 |
| Date type: | Assigned |
| Resource Link(s): |
|
Charter:
Stephanus rex Anglie archiepiscopo Cantuarie et episcopis abbatibus comitibus iustic et baronibus et omnibus fidelibus suis Anglie salutem Sciatis quia consilio et assensu Willelmi Cantuarie archiepiscopi et sancte romane ecclesie legati et Alexandri Lincolniensis episcopi fundata est quedam abbatia in diocesi episcopi Lincolniensis pretaxati in territorio Messenden in feodo Willelmi de Messend et ibi abbas institutus eo ordinatus est et regulares sub eo canonici degentes secundum consuetudinem matris sue ecclesie de Nemore de pago teresino unde ipsi exeuntes huc uenerunt Omnes itaque illius abbatie possessiones quas predictus Willelmus ei dedit in terris et pratis et nemore et in consuetis uniuersis ita ego illi concedo et regia auctoritate illi ecclesie in perpetuum optinendas confirmo et inconcussas manere statuo sicut idem Willelmus ei dedit et concessit et carta sua confirmauit Et sicut episcopus Lincolniensis hec carte sue attestacione corroborauit suscipio eciam et retineo in proteccione et tutela mea hanc de qua loquimur abbatiam et omnes ipsius possessiones et firmiter precipio ut terre eius et cetera que ad eam pertinent eandem habeant libertatem et quietacionem quam habent cetere abbatie regni mei que libere sunt et quiete tamquam elemosine mee Testibus Alexandro episcopo Lincolniensi et Ricardo cancellario et Roberto de Oilli et Roberto filio Walteri apud Dunestapele
Source (click image below to view full size)
