Charter Document - 00129220
| Charter Number: | 00129220 |
|---|---|
| Cartulary Title: | The Cartulary of Carisbrooke Priory |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1262 - 1277 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens scriptum pervenerit frater Andreas humilis prior de Karesbroc et eiusdem loci com monachi salutem in domino Noveritis unanimi assensu com monachorum nostrorum ad instanciam nobilis mulieris Isabelle de Fortibus comitisse Albemarle Devonie et domine Insule dedisse et concessisse et presenti scripto nostro confirmasse magistro Rogero Carpantario quinque marcas sterlingorum annui redditus singulis annis percipiendas per manus nostras et Successorum nostrorum ad vitam suam vel donec eidem in terris vel eschaetis per prefatem comitissam fuerit provisum ad quatuor anni terminos principales videlicet ad Natale domini sex decem solidos et octo denarios ad Pascha sex decem solidos et octo denarios ad festum sancti Johannis Baptiste sex decem solidos et octo denarios et ad festum sancti Michaelis sex decem solidos et octo denarios Et si contingat quod absit quod in solucione dicti redditus ad aliquem terminum in toto vel in parte defecerimus volumus et concedimus pro nobis et successoribus nostris et ecclesia nostra quod constabularius castri de Karesbroc qui pro tempore fuerit possit nos distringere per omnia bona nostra in Insula inventa de die in diem donec predicto Rogero per nos vel per successores nostros de predicto redditu vel de parte que a retro fuerit plenarie fuerit satisfactum Pro hac autem donacione et concessione nostra perdonavit nobis dicta comitissa quadraginta septem marcas et dimidiam ad quas amerciati fuimus in curia sua pro diversis transgressionibus In cuius rei testimonium huic scripto sigillum nostrum apposuimus
Source (click image below to view full size)
