Charter Document - 00100280

Ricardus dictus abbas Sancti Augustini Bristold[e] totusque eiusdem loci conventus universis sancte ecclesie filiis salutem Ad publicam volumus notitiam devenire quod causa que inter monachos de Rading[ia] et nos super ecclesia de Berkelaia aliquandiu ventilata est coram domino Roberto Herford[ensi] episcopo et domino Simone abbate Sancti Albani qui in eadem causa a domino papa Alexandro iii iudices fuerant delegati presente domino rege H[enrico] ii et ad pacem plurimum operam dante sub apostolica auctoritate qua in his dicti iudices fungebantur tali compositione mediante terminata est Videlicet quod nos ecclesias de Berkel[eia]hernesse scilicet ecclesiam de Berkel[eia] et de Wttuna et de Beverstana et de Almodesb[er]ia et de Esseleswrd[a] et de Cromhala singulas cum suis pertinentiis nomine monachorum de Rading[ia] perpetuo possidebimus solvendo annuatim ecclesie Rading[ensi] xx marcas x ad Pascha et x ad festum sancti Michaelis Si vero alia que ab aliis quacumque iniuria detinentur nominatim ecclesiam de Chamma et ecclesiam de Erlingeham aut quecumque alia ecclesiastica bona ad ecclesias de Berkel[eia]hernesse pertinentia predictis monachis et nobis de communi consilio revocare placuerit ad hoc ab illis et a nobis sumptus ex equo dabuntur et quecumque assequi potuerimus inter nos et illos equis portionibus dividentur Dominus etiam rex predictus pro desiderio pacis id adiecit se ita provisurum quod quamdiu tenuerit h[enricus] Exon[iensis] archidiaconus et monachi suam a nobis annuatim percipient pensionem et nos tamen indempnes existemus Celebrata est autem hec transactio anno incarnationis dominice mclxxv die sancti Luce apud Lond[oniam] papante domino Alexandro iii regnante H[enrico] ii His testibus Ricardo Cant[uariensi] archiepiscopo Gileberto Lond[oniensi] episcopo Ricardo Wint[oniensi] episcopo Roberto Herford[ensi] episcopo Bartholomeo Exon[iensi] episcopo Gaufr[edo] Elyensi episcopo Simone abbate Sancti Albani Mauricio de Berkel[eia] Roberto et Ricardo filiis eius