Charter Document - 00100211

Omnibus Christi fidelibus ad quos presens carta pervenerit H[erebertus] dei gratia Sar[esburiensis] episcopus salutem in domino Ne beneficia que a Christi fidelibus pio affectu et affectuosa pietate locis religiosis et viris in eis iugem deo prestantibus famulatum misericorditer impenduntur sive processu temporis sive malignantium versutia possit in posterum perturbari episcopali decet ea prospectione et protectione communiri Attendentes igitur fervorem religionis dilectorum nobis in Christo filiorum abbatis et conventus Rading[ensium] et hospitalitatis gratiam peregrinis et advenis et omnibus caritatis beneficium postulantibus impensam eisdem monachis auctoritate pontificali confirmamus in ecclesia beate Marie Rading omnes decimationes plene et integre tam de blado quam de fabis et pisis et agnis extra burgum ad eandem ecclesiam pertinentes ut eas in proprios usus secundum ordinationem domus sue convertant omnes vero fructus et obventiones residuas ad eandem ecclesiam pertinentes quicumque pro tempore in eadem ecclesia ad presentationem eorundem monachorum a nobis vel successoribus nostris perpetuus fuerit vicarius institutus percipiet reddendo prefatis monachis inde annuatim lx solidos et omnia episcopalia [usitata] et consueta quantum ad vicariam suam pertinet sustinendo Confirmamus etiam eisdem monachis in ecclesia beati Egidii Rading omnes decimas plene et integre tam de blado quam de fabis et pisis et agnis extra burgum ad eandem ecclesiam pertinentes ut eas simili modo in proprios usus convertant omnes vero fructus et obventiones residuas ad eandem ecclesiam pertinentes quicumque pro tempore in eadem ecclesia ad presentationem eorundem monachorum a nobis vel successoribus nostris perpetuus fuerit vicarius institutus percipiet reddendo annuatim prefatis monachis inde xl solidos et omnia episcopalia usitata et consueta quantum ad vicariam suam pertinet sustinendo Confirmamus quoque eisdem in ecclesia de Weregrave omnes decimas de blado et fabis et pisis ad eandem ecclesiam pertinentes omnia vero alia ad eandem ecclesiam pertinentes quicumque pro tempore in eadem ecclesia ad presentationem eorundem monachorum a nobis vel successoribus nostris perpetuus fuerit vicarius institutus percipiet reddendo inde nominatis monachis annuatim xx solidos et onera episcopalia usitata et consueta quantum ad vicariam suam pertinet sustinendo Confirmamus etiam eisdem in ecclesia de Benh[am] omnes decimas ad eandem ecclesiam pertinentes de blado scilicet exceptis decimis de fabis et pisis et aliis leguminibus quas decimas videlicet de fabis et pisis et aliis leguminibus et omnia alia ad eandem ecclesiam pertinentia quicumque in ea perpetuus vicarius a nobis vel successoribus nostris ad presentationem eorundem monachorum fuerit institutus percipiet reddendo inde annuatim memoratis monachis unam libram thuris et onera episcopalia usitata et consueta quantum ad vicariam suam pertinet sustinendo Confirmamus etiam eisdem monachis in ecclesia de Chaus[eia] omnes decimas de blado ad eandem ecclesiam pertinentes preter decimam de blado de Molesford quas decimas videlicet de blado de Molesford et omnes alias decimas tam in leguminibus quam in aliis rebus ad eandem ecclesiam pertinentibus et omnia alia ad eandem ecclesiam pertinentia percipiet perpetuus vicarius a nobis vel successoribus nostris ad presentationem eorundem monachorum in eadem ecclesia institutus reddendo inde annuatim prefatis monachis quatuor marcas argenti duas videlicet pro decimis ortorum quas monachi quandoque perceperunt et alias duas pro omnibus aliis rebus ad eandem ecclesiam pertinentibus sustinebit etiam idem vicarius quicumque in eadem ecclesia ad presentationem eorundem monachorum a nobis vel successoribus nostris fuerit institutus omnia onera episcopalia consueta et usitata quantum ad vicariam suam pertinet Confirmamus etiam eisdem monachis in ecclesia de Thigelhurst omnes decimas de blado et agnis ad eandem ecclesiam pertinentibus perpetuus autem vicarius quicumque in eadem ecclesia ad presentationem eorundem monachorum a nobis vel successoribus nostris fuerit institutus omnia alia cum decimis etiam de leguminibus ad eandem ecclesiam pertinentia percipiet reddendo inde annuatim prefatis monachis dimidiam marcam argenti et onera episcopalia quantum ad vicariam suam pertinet usitata et consueta sustinendo Confirmamus etiam eisdem monachis in ecclesia de Englefeld unam marcam per manum persone ad presentationem eorum a nobis vel successoribus nostris in eadem ecclesia institute annuatim nomine pensionis percipiendam ecclesiam de Burghildeb[uria] cum triginta solidis de eadem per manum persone a nobis vel successoribus nostris ad presentationem eorundem monachorum in eadem ecclesia institute annuatim percipiendis cum tribus etiam marcis de decimis de terra G[ilberti] Martell ad eandem ecclesiam spectantibus per manum eiusdem persone annuatim percipiendis Confirmamus etiam eisdem monachis duos solidos de [ecclesia de] Purleg[a] et quatuor solidos de ecclesia de Suleh[am] salvo iure advocationis patronis earundem ecclesiarum videlicet de Purleg[a] et Suleh[am] Confirmamus etiam eisdem in ecclesia de Pangeburn xxx et duos solidos et viii denarios de eadem per manum persone ad presentationem eorundem a nobis vel successoribus nostris institute in eadem ecclesia annuatim percipiendos Confirmamus etiam eisdem ecclesiam sancti Laurentii de Rading[ia] cum omnibus obventionibus et pertinentiis suis ad usus pauperum dei in hospitali quod iuxta eandem ecclesiam situm est collectorum ita quidem quod perpetuus vicarius ad presentationem eorundem monachorum a nobis vel successoribus nostris institutus in eadem ecclesia xx solidos annuatim de eisdem monachis ad indumenta sua percipiet et panem et potum sicut monachus eiusdem monasterii et septem denarios per ebdomadam pro companagio et hospitium honestum et legata sua usque ad sex denarios et infra supra autem quod excreverit cum monachis dimidiabat oblationem etiam suam percipiet per quatuor sollempnitates anni ipsi etiam monachi diaconum propriis sumptibus invenient eidem ecclesie et capellano ministrantem Indulsimus quoque eidem vicario quia infirmis et pauperibus in prefato hospitali oportet eum curam et diligentiam impendere ut ad capitulum nisi in burgo Rading venire non cogatur set ad sinodum pro statutis ecclesie audiendis semel in anno cum aliis sacerdotibus et clericis conveniat et tunc idem monachi capellano equum invenient Et si forte episcopus in presentiam suam eundem capellanum pro excessu vel crimine suo vocaverit ubi episcopus voluerit in episcopatu suo coram eo comparebit Confirmamus etiam eisdem monachis in ecclesia de Niweb[uria] duos solidos in ecclesia sancti Rumbaldi de Walingef[ordia] quatuor solidos Confirmamus etiam eisdem monachis duas marcas et dimidiam argenti de capella de Silamst[ede] per manum perpetui vicarii a nobis vel successoribus nostris in eadem capella ad presentationem eorundem monachorum instituti annuatim percipiendas et idem vicarius onera episcopalia consueta et usitata quantum ad vicariam suam pertinet sustinebit In omnibus vero oneribus que ecclesias supradictas variis de causis contingere possunt sicut vicarii vicinarum ecclesiarum pro vicariis suis respondebunt Abbas vero et conventus Rading[enses] sicut persone vicinarum ecclesiarum plenarie respondebunt pro personatibus Ut autem hec nostra concessio et indulgentia perpetue firmitatis robur obtineat eas presenti carta et sigilli nostri munimine duximus confirmandas salvis tamen in omnibus iure auctoritate [et] dignitate ecclesie nostre et nostra et successorum nostrorum dat[] apud Suning[es] per manum Willelmi Raimundi xiiii kl Maii pontificatus nostri anno septimo His testibus magistris Hel[ia] de Chivel[e] H[ugone] de Gah[erste] R[adulfo] de Winesh[am] Th[oma] de Cabbeh[am] Abbrah[am] Bartholomeo et magistro R[icardo] de Wdel[ege] capellanis Iohanne de Wint[onia] R[ogero] de Hampt[ona] clericis R[ogero] de camera et multis aliis