Charter Document - 00090099

Omnibus Christi fidelibus ad quos presens scriptum pervenerit Iohannes permissione divina Norwicencis ecclesie minister salutem in Domino Licet universis nobis subiectis in hiis que ad nos pertinent sua iura conservare debeamus ex pastoratus nostri tamen officio viris religiosis qui ad frugem melioris vite confugientes conversacionis arcioris viam elegerunt elemosinas et beneficia que eis fidelium largicione iuste sunt collocata attencius confirmare et ipsos in iustis possessionibus suis episcopali auctoritate tueri et fovere tenemur ut exclusa temerarie presumpcionis et exactionis iniuria divinis obsequiis liberius intendant Ea propter ad omnium volumus pervenire noticiam nos confirmasse dilectis in Domino filiis monachis Beccensibus apud Stok in monasterio Sancti Iohannis Baptiste Deo servientibus ecclesias possessiones et beneficia que in presenciarum canonice possident Hec autem propriis duximus exprimenda vocabulis scilicet monasterium Sancti Iohannis Baptiste de Stok cum pertinenciis suis in quo Deo serviunt ecclesiam Sancti Augustini de Stok cum pertinenciis suis ecclesias de Clara cum pertinenciis suis ecclesiam de Buris cum pertinenciis suis ecclesiam de Huneden cum pertinenciis ecclesiam de Trillawe cum pertinenciis suis capellam de Kentefor cum pertinenciis ecclesiam de Reda cum pertinenciis ecclesiam de Parva Bradeleia cum pertinenciis ecclesiam de Gaisle cum pertinenciis ecclesiam Sancti Andree de Burewell cum pertinenciis ecclesiam de Caveham cum pertinenciis ex dono autem nobilissimi Gilberti qui monachos Beccenses in Claram primus adduxit totam decimam maneriorum suorum de dominiis suis in Nortfolc[ia] scilicet totam decimam de dominio suo de Cremplesham et de Wiram et de Well et de Bertuna et ecclesias de Cremplesham et de Wiram in villa de Cremplesham Goche fabrum cum omni tenemento suo quod de eo tenuit [quem dedit] predictis monachis pro anima Ricardi primogeniti sui et totam decimam de Clara et de Hunedena et totam decimam de redditu molendinorum de Cavenham et quinque miliaria et dimidium anguillarum apud Lackingeheiam et totam marram de Sturemere et piscatorem cum tota terra sua et boscum suum apud Trillawe et unam quercum annuatim in parco de Huneden et piscacionem in vivario per duos dies annuatim apud Cavenham et redditum quinque solidorum in Fincham et quinque solidos in Buketune ex dono Alicie de Claromonte et Ricardi filii sui totam terram Martini capellani apud Stok et in eadem villa terram quam Rogerus carpentarius tenuerat et boscum de eadem villa ex dono comitis Rogerii centum solidatas terre apud Stok ex dono comitis Ricardi boscum quod vocatur Litlehey ex dono Rogerii Caperun ecclesiam de Bertune cum pertinenciis suis ex dono Gaufridi dapiferi totam terram de Forham et terram suam de Reda et terram Wlgari de Tya et tres mansuras in Clara et terram Huchtredi de Mora ex dono Herlewini filii Goismere x solidos de terra Wlrici Smukele apud Finstede ex dono Radulphi de la Kersunere duas partes decime sue de Hauekedun et de Kemesing ex dono Rogeri de Carlewille duas partes decime sue de Aluredesfeld et de Hertsterst ex dono Roberti Darnel duas partes decime sue de Denardesstun et de Stanesfeld ex dono Canevaz duas partes decime sue de Heringewell ex dono Willelmi de Sancto Germano totam decimam suam de Cavenedis et de Seiham ex dono Ricardi filii Hugonis duas partes decime sue de Meleford et de Culinge et de Nedham et totam terram suam de Brochole ex dono Galfridi filii Elinaldi duas partes decime sue de Bukeshale ex dono Rogerii de Gisenei duas partes decime sue de Haveringelond et de Witewelle et de terra sua apud Norwicum ex dono Galfridi de Favarchas duas partes decime sue de Walsingeham ex dono Osulphi Maskerel duas partes decime sue de Cavenedis ex dono Galfridi filii Elinaldi duas partes decime sue de Badeleia ex dono Goismeri duas partes decime sue de Cippeleia ex dono Elye coci duas partes decime sue de Poselingeworthe ex dono Ricardi filii Symonis ecclesiam de Penestorp cum pertinenciis suis et totam moram suam inter Stok et Claram ex dono Elinaldi vicecomitis quoddam molendinum apud Waldigefeld cum una acra terre et dimidia ex dono Roberti pincerne et Mabilie uxoris sue quinque solidatas terre in Trillawe ex dono Danielis de Crevequer x acras terre apud Gaisle in eadem villa ex dono Rogerii de Dalham quinque acras terre ex dono Radulfi de Halstede xii acras terre in eadem villa ex dono Oseberti parcarii duas acras terre apud Haingham ex dono Alexandri de la Kersunere duas acras terre iuxta Nedham ex dono Ricardi de Reda xxx acras terre apud Redam ex dono Stephani de Cameis decem solidatas terre apud Chelveston et unum milliarium anguillarum apud Burewell ex dono Walteri filii Humfridi unum miliarium anguillarum apud Lackinghei ex dono Roberti de Angevilla ii solidos de molendino de Sproutun ex dono Symonis filii Ernaldi totam terram Ingenulfi de Bradeleia ex dono Alberi de Capellis totam moram suam de Stok ex dono Baldewini filii Galfridi totam terram quam Willelmus claviger tenuit de eo apud Claram ex dono Galfridi filii Galfridi hominem cum tenemento xii denariorum apud Poselingwrthe ex dono Galfridi filii Baldewini v solidos de molendino Manwini apud Stok ex dono Willelmi Capre et Elye fratris sui donacionem xi solidatarum terre cum hominibus eamdem terram possidentibus in parochia de Stokes ex dono Roberti de Prissinni et Elie filii eius totam decimam suam de Boctune ex dono Walteri cum Barba duas acras terre in Stok et totam decimam de terra sua apud Priditun Hec autem omnia et alia que in presenciarum iuste et canonice possident vel que futuris temporibus annuente Domino in episcopatu Norwicensi iustis modis poterunt adipisci eis firma constare et confirmata fore volumus salva in omnibus honore obediencia et reverencia sancte Norwicencis ecclesie Districcius eciam inhibemus ne quis hanc confirmacionis nostre paginam infringere vel contra eam ausu temerario venire aliquatenus presumat eam autem observantibus et predictis monachis bona conferentibus sit pax et salus eterna Datum anno ab Incarnacione Domini MCXCII Testibus Galfrido et Rogero archidiaconis et aliis