Charter Document - 00080006
| Charter Number: | 00080006 |
|---|---|
| Cartulary Title: | The Cartulary of Leiston Abbey and Butley Priory Charters |
| Charter Language: | Latin |
| Charter Origin: | Religious |
| Charter Type(s): | Resignation |
| Date: | 1183 - 1186 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Robertus dictus Abbas de Leeston et conventus eiusdem loci Salutem Noverit universitas vestra nos communi consensu et utilitate causa dei et intuitu pietatis concessisse et resignasse dilectis fratribus nostris scilicet Gilberto Priori de Buttele et conventui eiusdem loci quicquid iuris habuimus in ecclesia de Cnodeshal cum omnibus terris et decimis et quibuscumque aliis rebus ad eam pertinentibus ubicumque fuerint sive in dominico nostro sive in cuiuscumque alterius ita integre et plenarie sicut eandem predictam ecclesiam prefati canonici plenius et integrius possederunt cum omnibus suis pertinentiis ante adventum nostrum in Leeston et in ipso etiam anno quo ibi advenimus Ne autem ista iuris nostri pretaxatis fratribus nostris canonicis de Butele facta concessio quacumque occasione urgente aliquem lesionem sustineat in posterum eam presentis pagine litteris inscriptam et forma sigilli nostri munitam manibus nostris in eorum manus resignavimus promittentes in verbo veritatis et fide religionis nos numquam moturos aliquam querelam vel querimoniam eis super prefata ecclesia de Cnodeshal et quibuscumque rebus ad eam pertinentibus