Charter Document - 00070211
| Charter Number: | 00070211 |
|---|---|
| Cartulary Title: | The Cartulary of Blythburgh Priory |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1198 |
| Date type: | Internal, Calendar, Papal |
| Resource Link(s): |
|
Charter:
Innocentius episcopus servus servorum dei dilectis filiis priori et fratribus ecclesie sancte Marie de Blybur salutem et apostolicam benedictionem Sacrosancta Romana ecclesia devotos et humiles filios ex assuete pietatis officio [propensius] diligere consuevit et ne pravorum hominum molestiis agitentur eos tanquam pia mater sue protectionis munimine confovere Ea propter dilecti in domino filii devotionem quam erga beatum Petrum et nos ipsos habere noscimini attendentes personas vestras cum omnibus bonis tam ecclesiasticis quam mundanis que in presentiarum rationabiliter possidetis aut in futurum iustis modis prestante domino poteritis adipisci sub beati Petri et nostra protectione suscipimus Specialiter autem ecclesiam de Claxtone cum omnibus pertinentiis suis canonica vobis donatione concessam et a venerabili fratre nostro Norwicensi episcopo confirmatam sicut eam iuste ac pacifice possidetis et in autentico eiusdem episcopi continetur auctoritate apostolica confirmamus et presentis scripti patrocinio communimus Decernimus ego ut nulli omnino hominum liceat hanc nostre paginam protectionis et confirmationis infringere vel ei ausu temerario contraire Siquis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Datum Rome apud sanctum Petrum ii kal Maii pontificatus nostri anno primo