Charter Document - 00070208
| Charter Number: | 00070208 |
|---|---|
| Cartulary Title: | The Cartulary of Blythburgh Priory |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
|
Charter:
Frater Johannes permissione divina Cantuariensis archiepiscopus totius Anglie primas dilectis filiis priori et canonicis de Blybur ordinis sancti Augustini Norwicensis dioecesis salutem et pacem in domino sempiternam Ad altitudinem cordis ut sacra religionis exaltentur accedimus apponentes manum nostre possibilitatis ad operam quam ipsis in terris oportunam credimus et deo placidam in excelsis et circa potissime nostra versatur intentio quos mundi relictis illecebris de presentis pompa seculari triumphare novimus regularibus disciplinis Sane dudum nos in dioecesi Norwicensi metropolita iure visitationis officium exercentes et ad domum vestram declinantes invenimus per inspectionem privilegiorum et munimentorum vestrorum atque eorundem examinationem per nos approbatam vos in presentiarum possidere et in proprios usus habere ecclesias sancte Marie et sancte Trinitatis de Blybur cum capella de Walberiswyke necnon de Branfeld de Claxtone et de Blyford cum medietate ecclesie de Wenistown dioecesis memorate Vos autem cupientes vestris indemnitatibus et laboribus providere in futurum humiliter supplicastis ut huiusmodi bona vestra ecclesiastica vobis confirmare dignaremur Advertentes siquidem vestre religionis puritatem quam apud vos visitantes invenimus vestris in hac parte iustis potionibus duximus favorabiliter annuendum qua propter prenominatas ecclesias et medietatem cum capella sicut iuste et rationabiliter possidetis vobis vestrisque successoribus per presentes auctoritate metropolita confirmamus In cuius rei testimonium sigilli nostri munimine presentem paginam fecimus roborari Datum Claxtonie xiiij kal Julii anno domini MCCLXXX primo consecrationis nostre tertio