Charter Document - 00050487
| Charter Number: | 00050487 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Notification, Request |
| Date: | 1214 |
| Date type: | Assigned |
| Resource Link(s): |
British History Online |
Charter:
Omnibus baronibus de Scaccario et justiciis domini regis de Banco et omnibus has litteras visuris et audituris Petrus filius Herberti salutem Noverit universitas vestra me recepisse centum libras de abbate et conventu de Westmonasterio et quod ipsi fecerunt gratum meum de omnibus aliis secundum concordiam factam inter nos coram vobis in curia domini regis pro manerio de Pereham Inde est quod vos precor diligenter quatinus secundum formam concordie inter nos facte cirographum in curia domini regis faciatis et quare ad presens pro negocio domini regis in propria persona interesse non possum Magistrum Jocelinum marescallum domini regis ad cirographum illud recipiendum loco mei assigno gratum et ratum habiturus quicquid vos et ipse inde feceritis et preterea eundem Jocelinum in loco meo assigno ad recipiendam cartam predicti abbatis et conventus quam michi facere debent secundum formam dicte concordie et ad faciendam eisdem cartam meam secundum formam eandem Valete