Charter Document - 00050484
| Charter Number: | 00050484 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Agreement, Lease |
| Date: | 1200 - 1213 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Gaufridus filius Petri comes Essex recepi de Radulfo abbate et conventu Westmonasterii villam eorum de Claygate cum omnibus pertinentiis suis tenendam de eis tantummodo in vita mea pro sexaginta solidis ad quatuor terminos anni elemosinarie eorum reddendis videlicet ad Natale Domini quindecim solidis ad Pascha quindecim solidis ad Festum Sancti Johannis Baptiste quindecim solidis et ad Festum Sancti Michaelis quindecim solidis et ita singulis annis quamdiu tenuero de illis predictam villam Et sciendum quod recepi predictam villam absque omni stauro sive bladi sive pecunie Post decessum vero meum prefata villa ad abbatem et conventum Westmonasterii quieta et soluta redibit absque omni reclamatione heredum meorum vel aliquorum ad me pertinentium cum emendationibus quas in eadem villa fecero sive in edificiis sive in carrucis in terris cultis et incultis cum omni blado seminato Bladum autem predicte ville quod in horreo erit in mea erit dispositione cui voluero dare vel relinquere absque aliqua contraditione Boscum autem predicte ville faciam custodiri ut non wastetur Et ut hec conventio stabilis sit et firma eam sigilli mei appositione et testium subscriptione confirmavi Hiis testibus Domino Willelmo archidiacono de Tautune Rogero constabulario Turris Gerardo de Kayli Johanne de Kauz Ricardo de Dol senescallo abbatis Ricardo de Stapelek clerico Uliano Cheneduit Jordano Peverel Gaufrido camerario Jacobo hostiario Gerardo coco Roberto de Krokel et aliis pluribus