Charter Document - 00050483
| Charter Number: | 00050483 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant, Promise |
| Date: | 1199 - 1216 |
| Date type: | Assigned |
| Resource Link(s): |
British History Online |
Charter:
Universis Sancte Matris Ecclesie filiis ad quos presens carta pervenerit Jacobus Salvage persona de Sweneschans eternam in Domino salutem Qui ecclesiarum utilitatibus specialiter deserviunt ecclesiastica specialius merentur remuneratione gaudere ad omnium itaque noticiam pervenire desidero quod considerata religione et honestate fratrum ecclesie Westmonasterii et elemosinarum largicione que in ea geruntur mora et gratuita liberalitate pro salute anime mee et patris et matris mee et omnium antecessorum meorum dedi et concessi et hac presenti carta mea confirmavi conventui Westmonasterii viginti marcas argenti de ecclesia de Hameldon nomine elemosine quamdiu in clericali habitu permansero singulis annis percipiendas ad tres terminos anni ad Natale videlicet Domini quinque marcas et ad Pascham decem marcas et ad Natale Sancti Johannis Baptiste quinque marcas Ego autem prefatus Jacobus Salvage hanc donacionem caritative faciens coram predicto conventu Westmonasterii in capitulo suo spontanea voluntate tactis sacrosanctis evangeliis me in hac donatione fidelem permansurum iuravi atque eidem conventui statutis terminis singulis annis predictas viginti marcas absque omni occasione vel fraude redditurum Ut autem hec mea donatio et concessio nulla ratione vel occasione meis temporibus adnichilari valeat sed stabilis et rata permaneat eam presentis scripti testimonio et sigilli mei apposicione roboravi