Charter Document - 00050482
| Charter Number: | 00050482 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Promise, Grant |
| Date: | 1193 - 1205 |
| Date type: | Assigned |
| Resource Link(s): |
British History Online |
Charter:
Omnibus Sancte Matris Ecclesie filiis ad quos littere iste pervenerint Jacobus le Salvag salutem Sciatis me sacramento corporaliter prestito in pleno capitulo Westmonasterii coram toto conventu ipsius ecclesie bona fide iurasse me quo advixero de ecclesia de Ocham triginta marcas nomine pensionis predicto conventui redditurum ad quatuor statutos terminos videlicet ad Natale Domini centum solidos ad Pascham centum solidos ad Natale Sancti Johannis Baptiste centum solidos ad Festum Sancti Michaelis centum solidos Juravi etiam quod si a solucione predicte pensionis aliquando cessavero predictus conventus Westmonasterii omnes fructus ecclesie de Ocham illius absque cuiuscumque reclamatione libere percipiet Preterea iuravi me omnem operam quam potero adhibiturum ut prenominata pensio triginta marcarum a domino papa et a diocesano episcopo confirmetur Adieci quoque sub eadem religione iuramenti quod si dominus papa vel diocesanus episcopus solucionem predicte pensionis michi aliquando interdixerint triginta marcas de ecclesiis meis de Swenescam et de Stockingebire predicto conventui ad supradictos terminos annuatim persolvam quas videlicet ecclesias eidem conventui ad hoc ipsum faciendum bona fide obligavi Et ut hec mea promissio stabilis et firma permaneat nec aliqua umquam mutabilitate possit infringi hanc presentem cartam meam inde factam sigilli mei appositione consignavi Hiis testibus Domino H[uberto] Cantuariensi archiepiscopo Roberto archidiacono de Huntindon Magistro Simone de Suwell Magistro J de Tinemue R[anulpho] thesaurario Saresberiensi Magistro Willelmo de Neketon Magistro Helia de Derham Thoma et Helia clericis Ricardo de Dol senescallo abbatis Westmonasterii Ricardo janitore Gaufrido camerario et multis aliis