Charter Document - 00050480

Sciant presentes et futuri quod ego Henricus Sumer dedi concessi et hac presenti carta mea confirmavi pro salute anime mee et omnium predecessorum et heredum meorum Deo et Beato Petro et conventui Westmonasterii ad administracionem luminarium altaris Beate Virginis Marie unam virgatam terre in villa de Dien quam Simon de Dien et Ivo filius eius michi dederunt et cartis suis confirmaverunt pro homagio et servicio meo Tenendam et habendam de eis et heredibus suis iure hereditario pro una libra piperis eis in Natali Domini annuatim solvenda dimidiam scilicet virgatam terre quam Modiva tenuit in eadem villa et dimidiam quam predictus Simon et Ivo michi dederunt de dominico suo Habendam et tenendam de me et de heredibus meis cum omnibus pertinentiis suis in puram et perpetuam elemosinam liberam quietam ab omnibus querelis placitis et auxiliis et ab omni seculari consuetudine per predictum servicium Et ut hec donacio mea stabilis et rata permaneat eam presentis scripti testimonio et sigilli mei apposicione roboravi et cartas predictorum Simonis et Ivonis dominorum meorum super altare Beate Marie optuli Predictus vero conventus prefatam libram piperis michi et heredibus meis persolvent Et ego et heredes mei warantizabimus eis predictam terram pro posse nostro contra omnes homines et omnes feminas et acquietabimus eos versus predictos Simonem et Ivonem et heredes eorum Hiis testibus Simone et Alexandra capellanis Roberto Mauduit Andrea de Scaccario et Willelmo filio eius Willelmo de Hanslape Rogero Enganet Alexandra clerico Magistro Michaele Odone aurifabro Wimundo pistore Petro de Wandene Stephano de Berking Gileberto le Brac[us] Herewardo scriptore Gaufrido Ada Radulfo servientibus ecclesie Gileberto Trepingar et multis aliis