Charter Document - 00050468
| Charter Number: | 00050468 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1164 - 1166 |
| Date type: | Assigned |
| Resource Link(s): |
British History Online |
Charter:
Nicholaus Huntend archidiaconus omnibus ad quos littere presentes pervenerint salutem Dilecto clerico nostro Elie utiliter in posterum providere cupientes venerabilium amicorum nostrorum Laurentii abbatis Westmonasterii et Domini Ricardi Pictaviensis archidiaconi petitione perpetuam ecclesiam de Dachwrth vicariam in perpetuam elemosinam ei concedimus et presentis scripti testimonio confirmamus ita scilicet quod predictus Elyas ecclesiam illam possideat cum omnibus pertinentiis suis et cum omni integritate fructuum et reddet annuatim predicto Ricardo Pictaviensi archidiacono qui eiusdem ecclesie persona constitutus est duos aureos tantum si vero Ricardus Pictaviensis archidiaconus eidem ecclesie cesserit vel decesserit prescripto tenore et conditione idem Elias ecclesie Westmonasterii annuatim reddet illos duos aureos et ecclesiam illam habebit cum omnibus pertinentiis suis et cum omni illa fructuum integritate quam prius eam possidebat et ita quod ab eo quamdiu vixerit nichil preter hos duos aureos de jure exigi possit Hec itaque conventio scripto et sigillo abbatis et conventus Westmonasterii confirmata est Hiis testibus Willelmo filio Martini Magistro Jordano Magistro Hugone et Thoma clerico et tornato et Radulfo clerico Exonensi