Charter Document - 00050467
| Charter Number: | 00050467 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1200 - 1213 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Thomas filius Danielis de Aqua de Aldeham assensu et uoluntate Celestrie matris mee concessi et quiete clamavi de me et heredibus meis sine omni retenemento Thome de Camera et heredibus suis unum mesagium et quinque acras terre cum pertinentiis in Aldeham scilicet tres acras que iacent ante portam predicti mesagii et duas acras que iacent a latere predicti mesagii et totum ius et clamium quod habui in predicta terra habendum et tenendum ipsi Thome et heredibus suis bene et quiete et libere et in pace integre et plenarie in perpetuum sine omni retenemento vel calumpnia de me vel heredibus meis et sine omni servitio reddendo quod pertineat ad me vel heredes meos Ego autem totam predictam terram coram tota curia Westmonasterii abiuravi cum Celestria matre mea Pro hac autem concessione et quieta clamantia inperpetuum predictus Thomas dedit mihi et Celestrie matri mee sexaginta et quinque solidos esterlingorum Et ut hec concessio et quieta clamantia rata sit et stabilis permaneat eam sigilli mei appositione corroboravi Hiis testibus Ricardo de Dol tunc senescallo Westmonasterii Gaufrido Picot Alexandro capellano de Aldeham Walter de Grenef Odone aurifabro Westmonasterii Gaufrido Cam Roberto de Krokel Waltero Marescallo Bartholomeo hostiario Roberto de Bosco de Aldeham Phylippo de Camera Ada de Bosco Radulfo clerico et multis aliis