Charter Document - 00050464
| Charter Number: | 00050464 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Confirmation, Grant |
| Date: | 1166 - 1189 |
| Date type: | Assigned |
| Resource Link(s): |
British History Online |
Charter:
Willelmus de Mandavilla comes de Essex omnibus hominibus suis et amicis Francis Anglis clericis laicis futuris et presentibus salutem Sciatis universi me donasse et concessisse et hac carta mea presenti confirmasse Galfrido filio Walteri totam Roinges tenendam sibi et heredibus suis de me et heredibus meis in feodo et hereditate per servicium feodi unius militis sicut carta Comitis Galfridi fratris mei illi testatur Quare volo et firmiter concedo quod illam terram habeat et teneat libere quiete integre et honorifice cum omnibus libertatibus et liberis consuetudinibus illi tenemento pertinentibus in bosco et plano in pratis et pascuis in semitis et viis et aquis et omnibus locis sicut unquam Albericus de Ver avus meus vel comes Galfridus pater meus vel aliquis alius antecessorum meorum illam terram melius vel plenius vel quietius vel honorificencius aliquo tempore tenuit per prenominatum servicium His testibus Comite Alberico Radulfo de Berineres Ricardo de Rocella Johanne de Rocella Savale de Osenwilla David de Gerpunvilla Osberto filio Ricardi Viscardo Laidet Gilleberto de Ver Ricardo de Levini Asculfo capellano Radulfo de Setfuntaines Willelmo de Gramavilla Waltero camerario Alexandro clerico et multis aliis