Charter Document - 00050462

Sciant presentes et futuri quod ego Gosfridus de Magnavilla concessi et donavi Deo et Sancto Petro et ecclesie Westmonasterii pro salute et redemptione anime mee et uxoris mee Leceline cuius consilio hoc bonum inchoavi et pro anima Athelaise prime uxoris mee matris filiorum meorum jam defuncte ecclesiam Sancte Marie de Hurley a in Barrocscire cum tota predicta villa de Herleya et cum toto circumjacenti nemore sine partitione aut divisione aliqua vel alicuius hominis in ipsa parochia aliquid tenentis excepta terra Edrici prepositi et excepta terra rusticorum de Parva Waltham quas retinui in manu mea Concessi dico et firmiter donavi cum toto dominio meo in campis et pratis silvis pascuis molendinis aquis piscariis atque piscationibus et omnibus appendiciis suis id est ecclesiam de Waltham cum una hida terre et dimidia que sibi subjacent et cum socna capelle de Remenham et cuntis consuetudinibus illi antiquitus debitis Dedi etiam predicte ecclesie de Herleya ea die qua feci eam dedicari Osmundo episcopo Saresberiensi presente terram Edwardi de Hwatetecumba in dotalicium Qua die supradictus episcopus pontificali auctoritate confirmavit omnes donationes meas quas eidem sancto loco contuli scilicet in omnibus maneriis meisque in dominio meo eo tempore erant tertiam partem decime totius annone mee et duas partes decime totius pecunie maneriorum meorum et totam decimam pasnagiorum meorum et totam decimam caseorum et totam decimam lini et lane et totam decimam vinearum mearum et totam decimam omnium aliarum rerum mearum de quibus juste et recte debet Deo decima reddi Insuper itaque in uno quoque manerio dominii mei dedi predicte ecclesie de Herleya unum rusticum qui octo acras habeat et in parco unam porcariam cum terra porcarii Hiis etenim addidi adhuc in insula de Heli unam piscarium que reddit unum milliarium et dimidium siccarum anguillarum et unum presentum anguillarum quadraginta videlicet grosas anguillas et in villa que Mosa vocatur tria milliaria siccorum allecium Turoldus vero dapifer meus concessit et dextera sua super altare confirmavit cum oblatione Radulphi filii sui duas partes decime totius annone sue de Workendona et totam decimam totius pecunie sue et in Berdena totam decimam totius annone et totius pecunie sue Edricus quoque prepositus meus totam decimam annone et totius pecunie sue ibidem donavit Ego vero ad expletionem huius tanti boni et ad sustentationem monachorum in eadem ecclesia Deo servientium feci a domino meo Rege Willelmo hec omnia confirmari et ab eodem episcopo et Abbate Gileberto Westmonasterii omnes infractores sive diminutores hujus mee elemosine feci excomunicari ut sit habitatio eorum cum Juda Domini proditore et viventes descendant in eterne perditionis Baratrum cum Dathan et Chore nisi emendaverint digna satisfactione Contestor autem filios heredes scilicet et omnes posteros meos per tremendum Dei judicium ne ipsi faciant aut fieri sinant ullam infractionem huic mee donationi immo augeant et stabiliant illam ita ut Deus stabiliat dies et vitam illorum in eterna beatitudine et habeant partem in hac mea elemosina mecum in celesti requie Testes Lecelina uxor ipsius Gosfridi Willelmus de Magnavilla Walterus de Magnavilla Ricardus de Magnavilla Hugo Mascherel Harnulf de Greneford Rodolfus de Hairun et Turoldus de Workendone Richerius Rogerus Blundus et multi alii