Charter Document - 00050459
| Charter Number: | 00050459 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1206 - 1216 |
| Date type: | Assigned |
| Resource Link(s): |
British History Online |
Charter:
Omnibus Sancte Matris Ecclesie filiis ad quos presens scriptum pervenerit Stephanus persona de Hendon salutem in Domino Ad universitatis vestre noticiam volo pervenire quod cum Radulfus pater meus ecclesiam de Hendon ex dono Domini Laurentii abbatis Westmonasterii et eiusdem loci conventus per aliquot annos pacifice possedisset ipsoque decedente prefatam ecclesiam vacare contingerit predicti abbas et conventus prefatam ecclesiam ut veri patroni mihi karitatis intuitu contulerunt salva sibi et ecclesie sue annua et debita pensione duarum marcarum ad sacristiam memorate ecclesie pertinencium Ut autem posteris successuris de iure patronatus dicte ecclesie veritas manifesta elucescat litteris presentibus et patentibus innotesco quod memoratam ecclesiam de Hendon ex dono et collatione et presentatione predictorum abbatis et conventus necnon et institutione viri venerabilis Gileberti London episcopi per xliij annos in confectione presentis scripti et me etiam tunc prospere agente pacifice possedi et obtinui Et ne aliquis in jure prefato contra dicti loci abbatem qui pro tempore fuerit et conventum aliquo tempore aliquid vendicare vel in eorum preiudicium attemptare poterit Huius rei testimonium confirmans litteris presentibus sigillum meum apposui et ad plenam veritatis noticiam litteras presentes sigillo meo munitas eidem ecclesie commisi Valeatis omnes in Domino