Charter Document - 00050451
| Charter Number: | 00050451 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1199 - 1216 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Johannes filius Edwardi petitione et assensu Cecilie matris mee pro anima patris et matris mee et omnium antecessorum meorum dedi et concessi et hac presenti carta mea confirmavi Deo et altari Beate Virginis Marie Westmonasterii ad luminaria eiusdem altaris administranda singulis annis quatuor solidorum redditum in villa Westmonasterii juxta Tothell de Willelmo palmario et totum servitium eiusdem Willelmi quod ad me pertinet absque omni reclamatione mei vel omnium heredum meorum liberum in perpetuum Ita quod custos predicti altaris de hiis iiij solidis sex denariis mihi singulis annis pro omni servitio reddet Et sciendum quod ego Johannes et heredes mei prefatum redditum prefato altari warantizabo contra omnes homines et omnes feminas Ut autem hec donatio mea stabilis et rata permaneat eam presenti scripto et sigilli mei appositione roboravi Hiis testibus Alexandro capellano Ricardo Testard Adam nepote episcopi Galfrido de Cruce Ivone de Medmeham Laurencio Muschet Ricardo filio Ranulfi Stephano de Berking Nicholao de cellario Adam Galfrido Radulfo et Johanne servientibus ecclesie et multis aliis