Charter Document - 00050450
| Charter Number: | 00050450 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1214 |
| Date type: | Assigned |
| Resource Link(s): |
British History Online |
Charter:
Omnibus Sancte Matris Ecclesie filiis ad quos presens scriptum pervenerit Isabella uxor Roberti Mauduyt domini regis earnerarii salutem in Domino Noverit universitas vestra me caritatis intuitu et pro salute anime mee et domini mei et omnium antecessorum et successorum nostrorum dedisse et concessisse et hac presenti carta mea confirmasse Deo et altari gloriose Virginis Marie in ecclesia Westmonasterii ad luminarium administrandum septem solidatos et octo denariatos redditus in villa Westmonasterii de feodo Johannis filii Edwardi illos scilicet quos predictus Johannes michi dedit concessit et carta sua confirmavit pro sex marcis argenti de quo redditu Juliana que fuit uxor Ade de Sunnebur et Willelmus le Wallur et Edricus de Gardino et Martinus Smud et heredes [suorum et] eorum assignati fuerunt mihi et heredibus meis vel assignatis respondere de tenementis qua de memorato Johanne tenuerunt in eadem villa in vico scilicet de Tothull sicut in carta predicti Johannis continetur et distinguatur Quam cartam procuratoribus memorati altaris quam sepedictus Johannes michi fecit liberam ob maiorem securitatem predicti redditus percipiendi assignavi enim pro curatores prefatos qui pro tempore fuerint ad prefatum redditum percipiendum de suprascriptis tenentibus et eorum heredibus ad eosdem terminos in carta ipsius Johannis statutos et assignatos libere et quiete integre et plenarie sine omni reclamatione vel calumpnia mei vel heredum meorum salvis predicto Johanni et eius heredibus duobus denariis ad Pascham et ad Festum Sancti Michaelis per manus predictorum procuratorum persolvendis Ut autem hec mea donatio et concessio et carte mee confirmatio rata et stabilis perseveret eam presenti scripto et sigilli mei appositione corroboravi Hiis testibus Domino Roberto Mauduyt viro meo Willelmo Mauduyt filio meo Johanne filio Willelmi Matheo filio Thome Odone aurifabro tunc preposito Westmonasterii Roberto de Cleygate Stephano de Berkinge Roberto de Crokesle Laurentio Muschat et multis aliis