Charter Document - 00050446
| Charter Number: | 00050446 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1194 - 1196 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Edwardus quondam prepositus ville Westmonasterii dedi et concessi et hac carta confirmavi Willelmo de Templo clerico Roberti Mald[uit] domini regis camerarii dimidium illud masagium quod Galfridus presbiter tenuit in villa de Westmonasterio habendum et tenendum sibi et heredibus suis de me et heredibus meis cum pertinentiis suis hereditarie reddendo michi annuatim duos solidos pro omni servitio quod ad me vel ad heredes meos pertineat scilicet ad Pascha xij denarios et ad Festum Sancti Michaelis xij denarios Preterea idem Willelmus et heredes sui post ipsum invenient singulis annis abbati Westmonasterii unum hominem per unum diem ad fenum suum levandum vel ad blada sua colligenda ad cibum ipsius abbatis in eadem villa pro omni servitio quod ad ipsum pertineat Illud vero dimidium masagium iacet in vico versus Tothill inter aliam medietatem eiusdem masagii quam Adam de Sunebir tenet et inter terram quam Wlvuna locrix tenet Concessi etiam et dedi predicto Willelmo et heredibus suis totam terram illam quam predictus Galfridus presbiter tenuit de Avicia de Langedich tenendam de me et heredibus meis hereditarie per servicium sex denariorum annuatim reddendorum pro omni servicio scilicet ad Pascha tres denarios et ad Festum Sancti Michaelis tres denarios Ego vero Edwardus et heredes mei warantizabimus predicto Willelmo et heredibus suis totum prenominatum tenementum integre contra omnes homines et feminas inperpetuum Quare volo quod predictus Willelmus et heredes sui post ipsum habeant et teneant totum predictum tenementum cum omnibus pertinentiis suis de me et heredibus meis bene et in pace honorifice quiete et libere ab omnibus placitis et querelis et ab omni seculari exactione per prescriptum servitium Et pro hac donatione et concessione et huius carte confirmatione predictus Willelmus dedit michi unum bisantum de gersuma Hiis testibus Guillelmo de Heli domini regis thesaurario Jocelino Marescallo Gaufrido filio Stephani clerico domine regine Johanne de la Wich Andrea de Scaccario Thoma de Windleshor Guillelmo filio Roberti Stephano de Heketona Hugone de Winton Willelmo de Walda Willemo de Castell Rogero Enganet Albino computatore Gervasio scriptore Alano et Petro computatoribus Ricardo funditore Ricardo Testard Johanne fratre suo Nicholao filio Galfridi Adam nepote episcopi Thoma de Rocheford et multis aliis