Charter Document - 00050428
| Charter Number: | 00050428 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Hamo de Hotot dedi et concessi et hac presenti carta mea confirmavi Willelmo de Hobruge totam terram meam et totum tenementum meum quod habui in villa de Westmonasterio de feudo abbatis de Westmonasterio sine aliquo retenemento scilicet totam terram illam et totum tenementum quod Willelmus filius Richeri et Johannes Pimeriche et Petrus Fausard tenuerunt de me in eadem villa Habenda et tenenda illi et heredibus suis vel cuicumque ipse eam dare voluerit et heredibus suis de me et heredibus meis salva tenura tenencium per liberum servicium duodecim denariorum et dimidium librum cymini per annum pro omni servitio reddendo ad duos terminos anni scilicet ad Pascham dimidiam libram cymini et sex denarios et ad Festum Sancti Michaelis vj denarios Et ego Hamo atornavi ipsum Willelmum ad faciendum servicium per manum suam quod debeo abbati de Westmonasterio scilicet duodecim denarios in aquietamentum eiusdem feudi Et ego Hamo et heredes mei warantizabimus predicto Willelmo et heredibus suis vel cuicumque eam dare voluerit et heredibus suis totam predictam terram et tenementum predictum cum omnibus pertinentiis suis contra omnes homines et feminas Et pro hac donacione et concessione et carte mee confirmacione predictus Willelmus dedit michi in gersumam unam marcam argenti et devenit inde affidatus meus Quare volo et firmiter precipio quod predictus Willelmus et heredes sui vel cui illam dare voluerit et heredes sui habeant et teneant totam predictam terram et tenementum cum omnibus pertinentiis suis de me et heredibus meis bene et in pace libere et quiete integre et plenarie inperpetuum per predictum servicium Et ut hec mea donatio et concessio rata sit et stabilis permaneat eam sigilli mei apposicione roboravi Hiis testibus Ricardo de Dol Ricardo Testard Henrico Sumer Odone aurifabro Nicholao filio Gaufridi Stephano de Berkinge Radulfo de Setfonteines Theobaldo de Feringes Johanne filio Edwardi Gaufrido de Cruce Gaufrido de Claigate Roberto de Claigate Nicholao de Braie et multis aliis