Charter Document - 00050414

Omnibus ad quos presens scriptum pervenerit Alexander clericus de Scaccario salutem Sciatis me divine caritatis intuitu et pro salute anime mee et omnium parentum meorum et pro salute Edithe filie Gaufridi de la Barre et omnium parentum et puerorum suorum dedisse et concessisse et hac presenti carta mea confirmasse Deo et altari Beate Marie in ecclesia Westmonasterii ad administrationem luminaris inveniendi in puram et perpetuam elemosinam unum mesuagium cum curtillagio in villa Westmonasterii quod masuagium est inter terram meam ex una parte versus aquilonem et terram Reginaldi pistoris ex altera versus austrum continens in latitudine in capite versus regale chiminum duodecim pedes et dimidium et predictum curtillagium cum totidem pedibus in latitudine extendens se in longitudine usque infollatum meum ante capitale masuagium meum Habendum et tenendum de me et heredibus meis bene et in pace libere et quiete reddendo inde michi et heredibus meis ille qui pro tempore fuerit custos predicti altaris annuatim duodecim denarios ad quatuor anni terminos scilicet ad Festum Sancti Michaelis tres denarios et ad Natale Domini tres denarios et ad Pascham tres denarios et ad Festum Sancti Johannis Baptiste tres denarios pro omni servitio ad me vel heredes meos pertinente Ego vero Alexander et heredes mei warantizabimus predictum masuagium cum predicto curtillagio custodi predicti altaris qui pro tempore fuerit contra omnes homines et feminas per predictum servicium Ut autem hec mea donatio et concessio et carte mee confirmatio rata sit et stabilis permaneat eam sigilli mei appositione corroboravi Hiis testibus Willelmo de Castellis Lodovico clericis de Scaccario Odone aurifabro tunc preposito Westmonasterii Ricardo filio Eadmundi Adam nepote episcopi Johanne fusore Roberto de Claygat Stephano de Berking Roberto de Crokell Gaufrido de Cleygat Reginaldo pistore Thoma vinitore Willelmo parvo de Eya Willelmo Noel Nicolao de celario Ricardo de celario Laurentio Muschat et multis aliis