Charter Document - 00050413
| Charter Number: | 00050413 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1210 |
| Date type: | Assigned |
| Resource Link(s): |
British History Online |
Charter:
Sciant tam presentes quam futuri quod ego Willelmus Parvus dedi et concessi et hac presenti carta mea confirmavi Alexandro filio Henrici et Edithe filie Galfridi de Barra et eorum pueris totam illam partem terre quam Osmundus filius Rogeri Ursel michi dedit et carta sua confirmavit in villa Westmonasterii habendam et tenendam hereditarie sibi et heredibus suis de me et heredibus meis libere pacifice et quiete per servicium duodecim denariorum annuatim reddendorum ad quatuor terminos anni pro omni servicio et omni exactione scilicet ad Festum Sancti Michaelis tres denarios ad Natale Domini tres denarios ad Pascha tres denarios ad Festum Sancti Johannis Baptiste tres denarios Ego autem Willelmus et heredes mei warantizabimus predicto Alexandro et predicte Edithe et eorum pueris predictam partem terre cum omnibus pertinenciis et liberis consuetudinibus eidem parte terre pertinentibus per predictum servicium contra omnes gentes Et sciendum quod predictus Alexander et Editha possunt facere heredes suos de quibuscumque puerorum suorum voluerint ad tenendum istam partem terre hereditarie sicut predictum est Et pro hac donatione et concessione et presentis carte mee confirmatione dedit michi predictus Alexander tres marcas argenti et dimidiam in gersummam Hiis testibus Willelmo de Herlauia domino meo Roberto de Rokingham Mauricio de Herlauia Odone aurifabro tunc preposito Ricardo filio Eadmundi Henrico Sumer Alexandro de Heya Johanne de Aqua Ricardo Alto Willelmo filio Andree Johanne fusore Gaufrido de Cruce Ada nepote episcopi Stephano de Berking Magistro Gaufrido Pirone et toto halimoto cum multis aliis