Charter Document - 00050411
| Charter Number: | 00050411 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1197 - 1200 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Simon de Gaiola dedi et concessi et quieteclamavi Deo et Beate Marie et ecclesie Beati Petri Westmonasterii totam terram quam habui in villa Westmonasterii que terra est inter terram Randulfi Siket et terram Reginaldi carpentarii in longitudine et latitudine cum domibus et edificiis et omnibus pertinentiis ad luminaria invenienda altari Beate Dei Genitricis Marie in eadem ecclesia Quam scilicet terram omnino quietam clamavi de me et heredibus meis sine omni retinemento mei vel heredum meorum Reddendo inde annuatim per manus procuratoris eiusdem altaris qui pro tempore fuerit duodecim denarios ad quatuor terminos anni ei qui pro tempore procuraverit anniversarium Edwardi quondam prepositi Westmonasterii scilicet ad Natale Domini tres denarios et ad Pascham tres denarios et ad Festum Sancti Johannis Baptiste tres denarios et ad Festum Sancti Michaelis tres denarios Pro hac autem donatione et concessione et quietaclamatione et carte mee confirmatione recepi quinque marcas argenti per manus Roberti de Mulesham tunc precentoris eiusdem ecclesie et pretaxati altaris procuratoris Et ut hec mea donatio et quietaclamatio rata sit et stabilis permaneat eam sigilli mei appositione corroboravi Hiis testibus Ricardo de Dol tunc senescallo Westmonasterii Odone aurifabro Westmonasterii Ricardo Testard Adam de Westmonasterio Johanne de Abbendon Gaufrido de Cruce Stephano de Berking Ricardo filio Edmundi Johanne pincerna Nicolao de celario Willelmo Stuttel Laurentio Muschat Gaufrido Fabro et multis aliis