Charter Document - 00050406
| Charter Number: | 00050406 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1197 |
| Date type: | Assigned |
| Resource Link(s): |
British History Online |
Charter:
Sciant tam presentes quam futuri quicumque hanc cartam viderint vel audierint quod ego Aedwardus [prepositus Westmonasterii concessi et hac pre]senti carta mea confirmavi Radulfo Clerico et heredibus suis masagium illud quod olim Sawal[us clericus emerat de Brungaro Athleta] quod etiam ille Sawalus clericus postea dimisit Radulfo Hurel de quo ego illud masagium emi quod iacet [inter terram Willelmi Fiz et terram Radulfi de] Septem Fontibus quam Albinus clericus tenet de eo tenendum de me et de heredibus meis perpetua heredita[te reddendo inde annu]atim pro omni servitio xl denarios ad quatuor statutos terminos anni scilicet ad Natale Domini x denarios et ad Pascha x denarios [et ad Nativitatem Sancti] Johannis Baptiste x denarios et ad Festum Sancti Michaelis x denarios Pro hac autem concessione et huius carte mee confirmatione predictus Radulphus Clericus non officio ita vocatus sed cognomine dedit michi ad gersummam iij solidos His testibus Rogero capellano Albino clerico Gocelino fabro Alano et Johanne filiis meis Randulfo Fiz coco et Ricardo filio eius Willelmo filio [Asketini] Wimundo pistore Hugone filio Richeri de Fonte et Galfrido de Cruce fratre eius Willelmo Chanterel Willelmo Albo [presbitero qui hanc cartam] scripsit et multis aliis