Charter Document - 00050398
| Charter Number: | 00050398 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1199 - 1216 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Ricardus filius Willelmi Noloth concessi et dedi et hac carta mea confirmavi Ricardo capellano de Innocentibus totam medietatem terre mee cum pertinentiis quam teneo de feodo de Moun scilicet illam que jacet propinquior terre Petri filii Ricardi in parochia Sancti Martini et habet longitudine usque ad fossatum marescalli et in latitudine decem et novem pedes et dimidiam pedem Habendam et tenendam de me et de heredibus meis illi et cui assignaverit libere quiete pacifice in feodo et hereditate finabiliter Reddendo inde annuatim pro omni servicio et exactione duodecim denarios ad quatuor terminos ad Nativitatem Domini iij denarios ad Pascham iij denarios ad Festum Sancti Johannis iij denarios ad Festum Sancti Michaelis iij denarios Nec ego Ricardus nec heredes mei poterimus prefatum Ricardum vel illum cui assignare voluerit aliquo modo dehospitari causa nosmet ipsos ibidem hospitandi et si ita contigerit quod ego Ricardus alteram medietatem predicte terre cum pertinentiis alicui invadiare vel inde aliquem feffare voluero predictus Ricardus propinquior erit inde de duodecim denariis quam aliquis alius Hanc autem prenominatam terram cum pertinentiis ego Ricardus et heredes mei warantizabimus prefato Ricardo vel cui assignare voluerit contra omnes gentes Pro hac autem concessione et presentis carte mee confirmatione dedit mihi prefatus Ricardus unam marcam argenti de gersuma et uxori mee unum bizantum Hiis testibus Roberto de Rokingham Johanne de Abbendon Willelmo filio Willelmi Willelmo filio Arnulfi Petro filio Ricardi Thoma vinitore Ailwardo Hut