Charter Document - 00050397
| Charter Number: | 00050397 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1150 - 1200 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Simon de Ponte Flete et Agnes uxor mea concessimus et dedimus et confirmavimus Ailnotho de Larudenge et heredibus suis totam terram nostram que est in parochia Sancti Clementis scilicet terram illam que jacet inter terram Ranulfi Fiket et inter terram Godeve Cruke in longitudine et in latitudine cum una domo et cum duabus cameris et cum omnibus pertinentiis suis cum uno plumbo Tenendam et habendam sibi et heredibus suis de nobis et de heredibus nostris libere quiete finabiliter jure hereditario Reddendo nobis et heredibus nostris per annum quinque solidos pro omni servicio scilicet ad Pascha xv denarios et ad Festum Sancti Johannis Baptiste xv denarios et ad Festum Sancti Michaelis xv denarios et ad Natale Domini xv denarios Et sciendum est quod ego Simon de Ponte Flete et Agnes uxor mea non poterimus dehospitari predictum Ailnothum de Larudenge vel heredes suos causa nos hospitandi et predictus Ailnothus vel heredes sui non poterunt vendere vel invadiare predictam terram ecclesie vel Judeo Preterea ego Simon de Ponte Flete et Agnes uxor mea et heredes nostri warantizabimus predicto Ailnotho de Larudenge et heredibus suis predictam terram contra omnes homines et feminas Pro hac autem concessione et donatione et warantisione sepedictus Ailnothus de Larudenge dedit predicto Simoni de Ponte Flete et Agneti uxori sue viginti solidos sterlingorum in gersumam His testibus Johanne persona de Sancto Clemente Willelmo capellano fratre eius Roberto filio Toroldi Roberto de Ruggingeham Roberto filio eius Ansegod de Barra Benedicto capeler Waltero filio Cecilie Eustachio clerico Willelmo forestario Gileberto filio eius Willelmo filio eius alio Willelmo filio eius Roberto de Stanmere Simone filio eius Roberto de Wambele Ailuuardo fratre eius Roberto filio Roberti de Wambele Alano de Tripelawe Willelmo fratre eius Ailuuino Godmar Stephano de Heia Johanne bucher Gileberto Godmar Willelmo Peitevin Rogero fabro Gileberto de Walda et multis aliis