Charter Document - 00050391
| Charter Number: | 00050391 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1199 - 1216 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Rogerus de Frivilla pro salute anime mee et antecessorum meorum dedi et concessi et hac presenti carta mea confirmavi Deo et Sancto Petro et conventui Westmonasterii totam terram illam extra Ludegate que jacet juxta domum que fuit Osmundi quam scilicet terram cum edificiis et pertinentiis suis Augustinus filius Ailwini et postea Reginaldus pistor Ricardi London episcopi et Emma uxor ipsius Reginaldi Deo et Sancto Petro dederunt et predicto conventui Habendam et tenendam prefato conventui de me et heredibus meis finabiliter libere et quiete integre et plenarie solvendo michi et heredibus meis annuatim quinque solidos ad Festum Sancti Michaelis sine omni occasione pro omni servitio Ita quod nec ego Rogerus nec heredes mei poterimus illum qui loco conventus tenebit predictum tenementum deherbergare pro me vel alio herbergando Et ego Rogerus de Frivilla et heredes mei totam predictam terram warantizabimus predicto conventui contra omnes homines Pro hac autem donatione concessione et warantizatione et carte mee confirmatione dedit mihi predictus conventus in gersummam et uxori mei duos bisantios et duas marcas Hiis testibus Willelmo de Bukingham Rogero Enganet Henrico Sumer Ricardo Testard Nicholao filio Galfridi Odone aurifabro Johanne filio Edwardi Petro de Wanden Stephano de Berking Ada de Westminster Wimundo pistore Pagano Dolbe Gaufrido de Cruce et multis aliis