Charter Document - 00050382
| Charter Number: | 00050382 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1199 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Rogerus le Borser mercennarius concessi et huic scripto meo specialiter confirmavi Jocelino filio Jocelini de Cornhill quod ego nec heredes mei poterimus ullo tempore terram illam quam ab eo teneo in parochia Sancti Michaelis de Cornhill que est inter terram Willelmi filii Nicholai aurifabri et terram Agnetis sororis Beati Thome numquam vendere invadiare legare neque aliquo alio modo alienare debemus a dicto Jocelino et heredibus suis Sed forte si ego vel heredes mei aliquo tempore sine herede de me vel de meis heredibus legittime exeuntibus obierimus dicta terra cum edificiis et pertinentiis eidem Jocelino et suis heredibus libere quiete revertat Hanc vero concessionem sine fraude et dolo tenendam et observandam tactis sacrosanctis Ewangeliis pro me et pro heredibus meis juravi in soca Domini Willelmi Sancte Marie Ecclesie Hiis testibus Galfrido Aldreman Magistro Hugone capellano Waltero de Stebbeheth Henrico de Chesewik soquereve Oliuero clerico de Turrim Admundo filio Girardi Willelmo Foberd Willelmo Wilequin Johanne filio Danielis Johanne Jacob Main drapario Hosmundo cordewaner Johanne Begi Waltero Lardor Matheo Pistree Willemo de Estchep Galfrido de Estchep Ada le Gost Johanne le Gos Ada diacono et multis aliis