Charter Document - 00050378
| Charter Number: | 00050378 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1191 - 1199 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Walterus filius Radulfi Oter dedi et concessi et hac presenti carta mea confirmavi in puram et perpetuam elemosinam Deo et Beate Marie et ecclesie Beati Petri Westmonasterii totam terram meam in civitate London que jacet in parrochia Sancte Marie de Hulle cum edificiis tam ligneis quam lapideis Que terra continet in longitudine versus austrum et aquilonem triginta et tres ulnas et tres quartarios de ulnis Regis Ricardi et in latitudine versus aquilonem tresdecim ulnas et iterum versus austrum ex alia parte in latitudine decem et octo ulnas Habendam et tenendam ecclesie eidem libere et quiete integre et plenarie inperpetuum Reddendo inde annuatim duos denarios de socagio Henrico de Boun vel heredibus suis ad unum anni terminum scilicet in medio Quadragesime Et ut hec mea donatio et concessio et carte mee confirmatio rata sit et stabilis permaneat eam sigilli mei appositione corroboravi Hiis testibus Radulfo capellano Henrico maiore London Rogero filio Alani Johanne le alderman Radulfo fratre eius Britio cordario Johanne de Garlande Gaufrido piscario Willelmo de Einesford Benedicto lingedraper Willelmo de Sandewico Wibardo le Bedel Hugone le Flameng Waltero filio Alexandri Sperleng Nicholao de celario Laurentio Muschat Gaufrido Adam Willelmo Johanne servientibus ecclesie Westmonasterii et multis aliis