Charter Document - 00050373
| Charter Number: | 00050373 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Obligation |
| Date: | 1199 - 1216 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Ricardus filius Willelmi filii Reingeri annuatim reddere debeo Matildi de Parys quadraginta solidos esterlingorum de terra quam eadem Matildis michi Ricardo concessit et carta sua confirmavit in parochia ecclesie Sancte Margarete versus Pontem London quamdiu ipsa Matillis vixerit ad quatuor anni terminos infra octabis Nativitatis Domini decem solidos infra octabis Pasche x solidos infra octabis Sancti Johannis Baptiste decem solidos infra octo dies Sancti Michaelis x solidos Ita quod post obitum eiusdem Matildis ego Ricardus vel heredes mei nichil amplius reddere debemus de predicta terra quam quinque solidos per annum ad cameram ecclesie beatorum apostolorum Petri et Pauli de Westmonasterio sicut carta testatur quam michi Ricardo inde fecit Preterea sciendum quod si ego Ricardus vel heredes mei predictum censum predicte Matildi quamdiu vixerit ad terminos statutos non solverimus concessi pro me et heredibus meis quod ipsa Matildis namium inde capiat super ipsum feodum ad predictum censum percipiendum quamdiu ipsa vixerit Et ut hec conventio rata et inconcussa permaneat presens scriptum mutuo munimine sigilli nostri roboratur Hiis testibus Willelmo aldremanno Roberto Blundo Galfrido Firherde Warino filio Nicholai Simone piscatore Galfrido Lagemann Wigod mercerio Ernaldo Bedello Ricardo Blundo Roberto de Turri Johanne de Elbegate et multis aliis