Charter Document - 00050371
| Charter Number: | 00050371 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1199 - 1213 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Matillis de Paris dedi et concessi et presenti carta mea confirmavi ecclesie Sancti Petri de Westmonasterio et conventui eiusdem ecclesie pro anima patris et matris mee et omnium antecessorum meorum quandam partem terre quam habui in London in parochia ecclesie Sancte Margarete versus Pontem London cum medietate muri lapidei unde assisam civitatis tradidi ad murum faciendum que terra jacet inter terram que fuit Willelmi Fisher versus aquilonem et terram que fuit Stephani Blund mercerij versus austrum et continet in fronte secus vicum regis orientali sex ulnas de ulnis ferreis Regis Johannis Anglie et in profunditate triginta v ulnas de eisdem ulnis et in capite versus occidentem sex ulnas de eisdem ulnis scilicet quicquid ibidem habui in longitudine et latitudine in lignis et lapibus et in rebus cuntis cum omnibus pertinentiis suis integre Habendum et tenendum ecclesie predicte et eiusdem conventui in pura et perpetua elemosina libere quiete honorifice bene et in pace integre finabiliter Reddendo inde annuatim michi et heredibus meis pro omni servitio et exactione et rebus cuntis sex denarios infra octabis Pasche Et sciendum quod ego Matillis vel heredes mei nullatenus poterimus predictam ecclesiam neque conventum de predicta terra dehospitari causa me vel heredes meos vel aliquem alium hominem vel feminam per nos ibidem hospitandi nec amplius inde exigere vel habere debemus quam predictos sex denarios per annum termino statuto et de omnibus servitiis versus capitalem dominum debemus acquietare per predictum servitium Hanc autem terram predictam integre cum omnibus pertinentiis suis ego Matillis et heredes mei predicte ecclesie et conventui contra omnes homines et feminas finabiliter debemus warantizare per predictum servitium sex denariorum Et ut hec donatio et concessio rata sit et stabilis presentis sigilli mei inpressione confirmavi Hiis testibus Henrico maiore London Rogero filio Alani Alano filio Petri Constantino filio Alulfi Thoma de Haverrell Willelmo filio Reinerii Henrico filio Reinerii Nicholao Duket