Charter Document - 00050363

Charter Document - 00050363


Charter Number: 00050363
Cartulary Title: Westminster Abbey Charters, 1066-c.1214
Charter Language: Latin
Charter Origin: Religious
Charter Type(s): Quitclaim
Date: 1200 - 1214
Date type: Assigned
Resource Link(s): British History Online

Charter:

Omnibus ad quos presens scriptum pervenerit Anselmus filius Haconis de London salutem in Domino Noverit universitas me pro redemptione anime mee et omnium parentum meorum quietum clamasse inperpetuum Abbati Radulpho et conventui Westmonasterii totum clamium meum quod habui de advocatione Sancti Clementis infra muros London site ita quod ego vel aliquis parentum meorum nunquam aliquo tempore poterimus aliquam querelam movere adversus dictum abbatem vel successores suos et conventum dicti loci vel eis molestiam inferre super advocatione dicte ecclesie sed libere eam conferant cui voluerint cum vacaverit absque alicuius reclamatione vel impedimento meo vel meorum Hiis testibus Domino Henrico maiore London Rogero filio Alani Alano filio Petri Willelmo de Haverell et filio suo Thoma Willelmo filio Reigneri Henrico fratre suo Petro filio maioris et Thoma fratre suo Laurentio capellano de Abbechurch Magistro Hugone de Cornhull et multis aliis