Charter Document - 00050359
| Charter Number: | 00050359 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1154 - 1186 |
| Date type: | Assigned |
| Resource Link(s): |
British History Online |
Charter:
Sciant presentes et futuri quod ego Laurentius cognomento Diabolus filius Willelmi concessi et resignavi totum jus quod clamabam in patronatu ecclesie Sancti Martini de Ludegate cum pertinentiis suis Deo et Beato Petro et monachis de Westmonasterio liberum et solutum de me et heredibus meis inperpetuum pro salute anime mee et antecessorum et successorum meorum et pro fraternitate domus tam in vita quam in morte habenda et ne hec concessio revocetur in irritum sigilli mei appositione illam corroboravi Hiis testibus Johanne filio meo et herede presente et hoc annuente Roberto capellano Sancti Martini de Ludgate Johanne Lovegold Johanne de Sterteford Osberto de Sancto Audoeno Willelmo de Sancto Martino de Ludgate capellanis Magistro Ricardo de Lirling Magistro Simone clericis Stephano aurifabro Augustino calicerio Jacobo parmentario Adam sermocinario et multis aliis