Charter Document - 00050350
| Charter Number: | 00050350 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1140 - 1144 |
| Date type: | Assigned |
| Resource Link(s): |
British History Online |
Charter:
Gaufridus comes Essexie episcopo et omnibus baronibus London clericis et laycis Francis et Anglis salutem Sciatis me firmiter concessisse et in perpetuum dedisse Deo et Sancto Petro et conventui Westmonasterii pro anima patris et matris mee et antecessorum meorum et pro salute corporis et anime mee et uxoris mee et heredum meorum xx solidatas terre de redditibus meis London ad anniversarium matris mee ad opus monachorum in refectorio solutas et quietas de me et de heredibus meis sine aliquo retinemento et liberas ab omnibus servitiis michi et heredibus meis pertinentibus scilicet terram quam Fulco Bruningi tenet que reddit j marcam argenti et terram Ernulfi Orbi que reddit v solidos et terram Wulurici Trace que reddit x denarios et terram Wulurici vicini sui que reddit x denarios Quare volo et firmiter precipio quod ipsi eas teneant ita libere et quiete et honorifice cum omnibus consuetudinibus et libertatibus cum quibus eas unquam liberius et quietius et honorificentius tenui vel aliquis antecessorum meorum una die et una nocte Et prohibeo ne super hoc aliquis [ei]s inde iniuriam vel contumeliam faciat Hiis testibus Gilberto comite Roheisa comitissa Gregorio dapifero Ernulfo de Magna Villa Pagano de Templo Salamonis Warino filio Geroldi Willelmo priore de Waledene Fulcone de Nodar Gaufrido de Querendon Hamelino et pluribus aliis