Charter Document - 00050345
| Charter Number: | 00050345 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1200 - 1214 |
| Date type: | Assigned |
| Resource Link(s): |
British History Online |
Charter:
Omnibus Sancte Matris Ecclesie filiis ad quos presens scriptum pervenerit R[obertus] dictus prior Westmonasterii et eiusdem loci conventus salutem eternam in Domino Noverit universitas vestra nos bono animo et unanimi assensu et voluntate et divini amoris obtentu concessisse et carta nostra in pleno capitulo nostro confirmasse venerabili et dilecto patri et abbati nostro Radulfo de Arundel ad petitionem et voluntatem ipsius incrementa quatuor festorum per anni revolutionem celebranda in cappis et processionibus cum vinis et pitanciis honorabiliter in eisdem festis inveniendis videlicet Festum Beati Laurentii Festum Beati Vincentii Festum Beati Nicholai et Festum Translationis Beati Benedicti que omnia prius cum cervisia et pitancia simpliciter statuta cum vinis et pitanciis et processionibus statuimus honorabiliter celebranda Statuimus etiam quicquid fiat de pitanceria nostra vel festivitatibus similibus ut scilicet aliter disponantur et mittentur ne aliquid de predictis quatuor festivitatibus minuatur aut mittetur si possibilitas assit ut modo prenominato possint celebrari Huius autem auctoritate confirmationis et caritative assensu concessionis concessit et reddidit et confirmavit nobis idem venerabilis pater noster et abbas ad petitionem et voluntatem nostram manerium nostrum de Bainflete per aliquot annos ab eodem ad firmam possessum cum omnibus pertinentiis emendationibus instauris possessionibus consuetudinibus et omnibus rebus quecumque fuerint ad idem manerium pertinentibus Ut autem hec confirmatio et concessio nullatenus a posteris abbatibus videlicet seu prioribus vel quicumque alii fuerint possit infringi eam auctoritate Beati Petri et omnium sanctorum et nostra confirmamus eiusque infractores in pleno capitulo nostro data sententia vinculo anathematis innodantes Sigilli nostri appositione eam roboravimus