Charter Document - 00050329
| Charter Number: | 00050329 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1214 |
| Date type: | Assigned |
| Resource Link(s): |
British History Online |
Charter:
Omnibus Christi fidelibus ad quos presens scriptum pervenerit Radulfus divina miseratione abbas Westmonasterii et eiusdem loci conventus salutem in Domino Noverit universitas vestra nos ad petitionem Roberti Mauduit domini regis camerarii et Isabelle uxoris sue et aliorum bonorum virorum concessisse et hac presenti carta nostra confirmasse quod omnia bona collata vel conferenda altari Beate Marie eiusdem ecclesie Westmonasterii sive in redditibus sive in terris sive in quibuscumque elemosinarum largitionibus rata sint et stabilia ad luminaria eiusdem altaris ministranda et alias elemosinas provisas ibidem faciendas Et preterea concessimus quod nomina omnium illorum qui bona sua predicto altari contulerint vel collaturi sunt in martyrologio nostro conscribantur et omnium bonorum que in ecclesia nostra fient in orationibus in jejuniis in vigiliis in missis in disciplinis et in omnibus aliis elemosinis sint participes Nos autem excommunicav[er]imus in pleno capitulo solempniter accensis candelis omnes quicumque in alios usus predicta bona absque communi consilio abbatis et conventus eiusdem loci transferent Teste Deo et Beata Maria et omnibus sanctis Dei