Charter Document - 00050328

Omnibus ad quos presens scriptum pervenerit Radulfus divina miseratione abbas Westmonasterii salutem in Domino Noveritis nos assensu et voluntate totius capituli nostri dedisse et concessisse et hac presenti carta nostra confirmasse Radulfo filio Stephani de Bolonia totam terram nostram in villa Westmonasterii quam Thomas frater Pancracii serviens de sacrista ecclesie nostre ad magnum altare ecclesie nostre dedit et concessit que videlicet terra iacet in vico de Langedich inter terram Walkelini de elemosinaria ex una parte et inter terram que est de feodo Stephani de Berkinges ex alia parte habendam et tenendam cum omnibus pertinentiis suis ipsi Radulfo et heredibus suis inperpetuum in feodo et hereditate libere et quiete integre et plenarie honorifice et pacifice reddendo inde annuatim ad magnum altare ecclesie nostre septem solidos ad quatuor terminos anni videlicet ad Natale Domini viginti et unum denarios et ad Pascham viginti et unum denarios et ad Festum Sancti Johannis viginti et unum denarios et ad Festum Sancti Michaelis viginti et unum denarios pro omni servitio et exactione salvo servicio forinseco pertinente ad villam Ut autem hec donatio et concessio firma sit et stabilis eam presenti scripto et sigilli mei appositione roboravimus Et concessionem istam in pleno capitulo a conventu nostro factam redigi fecimus in scripturam in martirologio nostro ut ad noticiam perveniat posterorum et cirographum presentis carte in thesauro ecclesie nostre reponi fecimus in testimonium Hiis testibus Ricardo de Dol senescallo Westmonasterii Uliano Chendedut Magistro Simone de London Odone aurifabro tunc preposito Westmonasterii Roberto de Rockingeham Henrico Sumer Ricardo filio Edmundi Stephano de Berking Roberto de Krokesleg Walkelino de elemosinario Galfrido de Cruce Wymundo pistore Willelmo pistore Willelmo de Scardeburg Michaele filio eius Ricardo Ospinel Willelmo Noel et multis aliis