Charter Document - 00050327
| Charter Number: | 00050327 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1206 - 1213 |
| Date type: | Assigned |
| Resource Link(s): |
British History Online |
Charter:
Omnibus Sancte Matris Ecclesie filiis ad quos presens scriptum pervenerit Radulfus Dei gratia abbas Westmonasterii et eiusdem loci conventus salutem in Domino Noverit universitas vestra nos concessisse et hac presenti carta nostra confirmasse Alexandro de Swereford clerico nostro domos nostras in London inter Ludgate et Pontem de Flete scilicet domos que fuerunt Willelmi Turpin tenendas et habendas sibi et heredibus suis de nobis libere et quiete inperpetuum reddendo inde singulis annis and luminaria altaris Beate Dei Genetricis Marie ei qui pro tempore predictum altare procuraverit octo solidos ad quatuor anni terminos scilicet ad Natale Domini duos solidos et ad Pascha duos solidos et ad Festum Sancti Johannis Baptiste duos solidos et ad Festum Sancti Michaelis duos solidos pro omni servitio ad nos pertinente salvo servicio capitalium dominorum Et ut hec concessio et carte nostre confirmatio rata sit et stabilis permaneat eam sigilli nostri appositione corroboravimus Hiis testibus Willelmo Eliensi domini regis thesaurario Willelmo archidiacono Huntingdon Roberto Mauduit domini regis camerario Magistro Jocelino Marescallo Willelmo de Boveneya Willelmo de Castell Ricardo de Dol Odone aurifabro Henrico Sumer Richardo Testard Johanne fratre eius Richardo filio Edmundi Stephano de Berking et multis aliis