Charter Document - 00050286
| Charter Number: | 00050286 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1158 - 1170 |
| Date type: | Assigned |
| Resource Link(s): |
British History Online |
Charter:
Universis Sancte Matris Ecclesie filiis L[aurentius] Dei gratia abbas Westmonasterii et conventus eiusdem loci salutem Quos in ecclesiasticis negociis devotiores et fideliores intelligimus eos ad ecclesiastica beneficia propentius et securius promovemus hac usi consideracione Magistro Radulpho medico dilecto nostro clerico domini nostri regis ecclesiam de Blockesham cum omnibus ad eam pertinentibus in elemosinam concessimus quam volumus eum libere et quiete et honorifice tenere Reddendo inde annuatim officio sacriste ecclesie nostre cui ab antiquo deputata est predicta ecclesia v marcas argenti ad Festum videlicet Sancti Michaelis ij marcas et dimidiam ad Pascham ij marcas et dimidiam Istud autem illi hoc tenore concedimus ne possit ecclesiam istam aut alii dare aut aliquo modo a manu sua alienare nisi per licenciam nostram Si vero prefatus Radulphus aut decesserit aut habitum religionis susceperit aut ad gradum episcopatus promotus fuerit ecclesia prenominata libera et quieta in manu nostra remanebit