Charter Document - 00050264
| Charter Number: | 00050264 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1138 - 1157 |
| Date type: | Assigned |
| Resource Link(s): |
British History Online |
Charter:
Notum sit omnibus ecclesie fidelibus tam presentibus quam futuris quod ego Gervasius abbas Westmonasterii dono et concedo pro salute anime mee et pro anima Regis Edwardi necnon et pro salute omnium successorum meorum ancillis Christi de Keneburna unum plenarium moniale corredium illud videlicet quod habuit Ailmarus heremita in pane et cervisia in vino et medone et in pitancia Istud corredium prece ac petitione nostra communi consilio et consensu totius capituli nostri confirmari feci Preterea notum sit quod nos communiter et concordi voluntate corredium Gilberti abbatis illis concessimus et tertium corredium quod secundum tenorem carte sue antea habuerunt firmiter confirmo Volumus igitur et constanter precipimus ut hec tria beneficia in pane et cervisia et coquina in vino in medone et pitanciis cum uno tantummodo clareto scilicet pro anima Gilberti abbatis absque ulla contradictione et contrarietate et diminutione in perpetuam elemosinam habeant Quincunque ergo hec beneficia manutenuerint et manutenendo pro Christo augere voluerint benedictionem Dei et nostram precipiant qui vero diminuere presumpserit semel et secundo ac tertio correptus nisi digna emendatione satisfecerit iram Omnipotentis Dei et nostram maledictionem incurrat Deus omnipotens sit testis et conservator ac susceptor huius donationis ac constitutionis nostre Amen