Charter Document - 00050253
| Charter Number: | 00050253 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1138 - 1148 |
| Date type: | Assigned |
| Resource Link(s): |
British History Online |
Charter:
Universis sancte et catholice matris Ecclesie filiis tam prelatis quam subditis tam presentibus quam futuris Gervasius abbas Westmonasterii salutem Sciant presentes et futuri me petitione et communi consensu capituli nostri concessisse et dedisse luminari ceterisque officiis altaris ecclesie nostre ecclesiam de Blokesham quam Rodbertus de Chaisn tenet de me et de ecclesia nostra Qua propter volumus et precipimus ut amodo predictus Rodbertus sacriste ecclesie nostre intendit et recognitionem quam nobis inde facere debebat sicilicet v marcas argenti illi faciat ad Pascha duas marcas et dimidiam et ad Festum Sancti Michaelis tantundem eundem Si vero predictus Robertus obierit aut vitam suam mutaverit aut ad dignitatis gradum promotus fuerit predicta ecclesia cum omnibus pertinentiis suis altari ecclesie nostre quieta et libera permaneat Qui vero hanc donationem aliqua perversitate interupit sacrosancti corporis et sanguinis Christi reus sit cui iniuriam inferre presumit