Charter Document - 00050250
| Charter Number: | 00050250 |
|---|---|
| Cartulary Title: | Westminster Abbey Charters, 1066-c.1214 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1130 - 1136 |
| Date type: | Assigned |
| Resource Link(s): |
British History Online |
Charter:
Herebertus abbas ecclesie Sancti Petri Westmonasterii et totus eiusdem ecclesie conventus tam futuris quam presentibus salutem Notum sit vobis nos communi assensu tocius capituli et consilio dedisse in elemosina pro anima regis nostri Edwardi fundatoris ecclesie nostre et pro animabus omnium fratrum et benefactorum nostrorum ancillis Dei que sunt in ecclesia Beati Johannis Baptiste de Keneburna et omnibus que ibidem ad serviendum Deo future sunt quandam terram ad sartandam in tenetura manerii nostri quod vocatur Cnithtebruga et in loco qui Gara appellatur Volumus eciam et firmiter precipimus ut in pace et quiete et libere et sine omni servicio teneant illam predictam terram Et si quis eis super hanc donacionem et donacionis libertatem aliquam inde violenciam vel dampnum vel contumeliam aut torturam aliquam fecerit et elemosinam nostram violare vel auferre a predicta ecclesia presumpserit nisi illis ancillis Dei citam et congruam satisfaccionem fecerit ab omni conventu ecclesie nostre excommunicetur et a Christo pauperum suorum defensore perpetuo anathematis gladio feriatur Amen Hii sunt testes Gregorius dapifer Radulfus de Puntfret Ricardus prepositus Ricardus cocus et multi alii