Charter Document - 00010098

Omnibus sancte matris ecclesie filiis Galfridus decanus sancti Pauli Lond[] et Petrus archidiaconus Lond[] et magister W[illelmus] de sancte Marie Ecclesia et magister Hugo de sancto Eadmundo canonici sancti Pauli Lond[] salutem in domino Cum de consensu et auctoritate venerabilis patris nostri Rogeri dei gratia Lond[] episcopi necnon et consensu et uoluntate laudabilis viri A[de] eadem gratia abbatis sancti Iohannis Colecestrie tociusque conuentus eiusdem loci prout ex eorum litteris patentibus ad nos directis per eiusdem loci priorem et R de Tynterne eorum monachum constabat euidenter commissa fuisset nobis plena potestas ordinandi ad honorem dei et ecclesiarum beati Pauli et sancti Iohannis Colecestrie et ecclesiarum subscriptarum necnon ad eorundem utilitatem nos inuocata spiritus sancti gratia de consilio et assensu communi taliter de singulis ecclesiis a prefatis priore et R monacho in nostram ordinationem deducti cum certi essent in hac parte constituti ex parte dictorum abbatis et monachorum nuncii et procuratores duximus ordinandum Inprimis de patronatu medietatis ecclesie de Bocstod[] sic disponimus ut penes episcopum Lond[] qui pro tempore erit remaneat ius patronatus inperpetuum remissa pensione duorum solidorum quam prefatus abbas et monachi de eadem ecclesia percipere consueuerunt et ut in episcopi Lond[oniensis] sit voluntate de illa pensione disponere quoad vacet dicta medietas libera postmodum permansura De ecclesia vero de Takeleya taliter ordinamus ut in ea inperpetuum per episcopum Lond[] qui pro tempore erit vicarius instituatur vicariam eius usque ad decem marcas annuas deternentes taxandam cum aliquo manso eidem assignando iuxta ecclesiam competenti residuum tocius dicte ecclesie de Takeleya cum domibus ad dictam ecclesiam spectantibus ad fabricam ecclesie beati Pauli Lond[] inperpetuum assignantes reseruatis dictis abbati et monachis decimis quas in parochia dicte ecclesie percipere consueuerunt De ecclesia siquidem de Wyleya ordinando decreuimus ut in ipsa per episcopum Lond[] qui pro tempore fuerit vicarius perpetuus preficiatur futuris temporibus cuius vicarie taxationem in eadem ecclesia extendi volumus usque ad summam c solidorum cum domibus ad dictam ecclesiam spectantibus Quicquid autem residuum fuerit in dicta ecclesia capellano in altare beate Marie missam gloriose virginis cotidie celebrando in ecclesia sancti Pauli Lond[] pro tempore ministratura et chorum de die et nocte secuturo inperpetuum assignantes qui per episcopum pro tempore existentem cum approbatione decani sancti Pauli et capituli idoneus officio tali in titubabitur super pensione si quam dicti abbas et monachi in ecclesia de Wyleya perceperunt dictis abbati et monachis silencium perpetuo imponentes De ecclesia equidem de Brithlingesseye sic ordinamus ut in ea per episcopum Lond[] qui pro tempore erit vicarius instituatur inperpetuum cuius ecclesie vicariam ad estimationem decem marcarum reducimus vicario manso conpetenti iuxta dictam ecclesiam assignando totum residuum dicte ecclesie cum pensione lx solidorum quam perceperunt dicti abbas et monachi de eadem ecclesia ad luminare beati Pauli Lond[] inperpetuum assignantes integre cum domibus ad dictam ecclesiam spectantibus et omnibus aliis ad ipsam ecclesiam pertinentibus saluis tamen decimis dictis abbati et monachis quas in eadem parochia perceperunt De ecclesia siquidem de Erdeleya ita disponimus ut in ea ad presentacionem dictorum abbatis et monachorum vicarius futuris instituatur temporibus cuius vicariam decem marcas ualere uolumus annuatim cui conpetenter prouidebitur in domibus per archidiaconum Colecestrie iuxta dictam ecclesiam Assignamus etiam inperpetuum archidiaconatui Colec[estrie] totum residuum dicte ecclesie cum domibus et edificiis pro domicilio in perpetuum archidiacono Colecestrie qui pro tempore fuerit habenda exceptis tres decem marcis conputata pensione trium marcarum in eisdem xiii marcis quas per manus archidiaconi Colecestrie qui nunc est et successorum suorum qui pro tempore erunt dictis abbati et conventui inperpetuum singulis annis persolui volumus in ecclesia conuentuali sancti Iohannis Colecestrie ad duos terminos scilicet ad festum sancti Michaelis sex marcas et dimidiam et infra octo dies pasche sex marcas et dimidiam quibus prouidemus sic caueri per instrumentum dicti archidiaconi et successorum suorum qui pro tempore erunt ut eisdem sine cauillatione et diffugio statutis terminis satisfaciat sub pena sex marcarum dictis abbati et monachis applicandarum quotiens dictus archidiaconus Colcestrie et sui successores aliquem terminum non seruauerunt Et ut episcopus Lond[] qui pro tempore erit habita super hoc summaria cognicione ad solucionem tam pensionis quam pene dictum archidiaconum et suos successores per censuram compellat ecclesiasticam De ecclesia tandem de Bercweya ita disponimus et perpetuo ordinamus ut in ea ad presentacionem dictorum abbatis et conuentus de Colecestr[ie] vicarius proficiatur cuius vicarie estimacionem ad summam viginti marcarum taxandum decreuimus omnibus computatis statuentes vicario mansum competens iuxta dictam ecclesiam assignari vicario iam residenti per magistrum Willelmum de Lych[feld] assignato Totum vero residuum dicte ecclesie de Bercweya dictis abbati et monachis de Colecestrie in vsus proprios perpetuo assignamus Hanc autem ordinacionem decreuimus inperpetuum valituram saluo iure eorum quoad vixerint qui detinent nunc ecclesias supradictas Salua insuper ordinatione predicta ita decreuimus et ordinamus vt omnes ecclesie pensiones et decime quas habent dicti abbas et monachi de Colecestrie in Londoniensi dioecese super quibus habent collationes seu confirmationes episcoporum Lond[] dictis abbati et monachis per capitulum sancti Pauli Lond[] prout canonice obtente sunt confirmentur In predictorum igitur testimonium et robur appendimus singuli sigilla nostra Actum in capitulo sancti Pauli Lond[] anno gratie mccxxxvii in vigilia sancte Lucie